【南區地區康健中心｜乙肝係咩？原來佢係一個超頑固嘅「肝臟房客」😅】
乙型肝炎(簡稱「乙肝」)可分為急性和慢性兩種，係由乙型肝炎病毒感染所引起的肝臟疾病。衞生署根據2020-22年度人口健康調查結果作出推算，全港整體人口當中約5.6%，即約41萬人患有乙型肝炎*，而慢性乙型肝炎長遠有機會引起急性肝衰竭、肝硬化或肝癌。
乙型肝炎病毒亦可透過接觸感染者的血液或體液而傳播，例如：
1️⃣ 媽媽喺分娩時或分娩期間傳俾BB 🤱
2️⃣ 使用/與人共用受帶病毒血液污染的針筒💉或物品(例如:剃刀、指甲鉗、穿耳/紋身工具、針灸器具)
3️⃣ 直接接觸帶病毒的血液
4️⃣ 無使用安全套的情況下與受感染者進行性接觸❤️
最令人擔心嘅係咩？好多感染者由頭到尾都無明顯病徵😶！
根據2020-22年度人口健康調查結果，大概4成受訪者都唔知自己係帶菌者，而帶菌者喺不知不覺間，透過血液和體液，將病毒傳播比伴侶和下一代。初生嬰兒如果受到感染，有九成機會發展為慢性乙型肝炎；而大約有15-40%乙型肝炎帶菌者會喺50至60歲時轉化為慢性肝炎、肝硬化或肝癌等疾病。乙肝雖然有藥物可以減慢病情發展，但係並唔可以完全清除體內的病毒，亦未必能夠完全阻止病毒傳播，就好似一個「長期租客」咁一直住喺你個肝入面。所以，預防圥係最重要，而疫苗就係目前最有效的預防方法。
💉不過都唔洗咁驚，因為由1988年起，政府已經免費送三針乙肝疫苗俾所有新生BB（分別於出生時、1個月大及6個月大時注射）。打齊晒基本上就可以大大減低感染乙型肝炎病毒的風險☂️。你細個有無乖乖打齊晒三針呀？🤗（如果唔肯定自己打過/打齊乙肝疫苗，可以搵家庭醫生諮詢相關詳情！)
立即留言：「乙肝」，攞免費乙型肝炎資料啦💙 早檢查、早安心，肝臟都多謝你啦～
資料來源：
衞生署 控制病毒性肝炎辦公室 (乙型肝炎) 取自：
https://www.hepatitis.gov.hk/tc_chi/what_is_hepatitis/hepatitis_b.html
衞生署衞生防護中心 (乙型肝炎) 取自：
https://www.chp.gov.hk/tc/healthtopics/content/24/27.html
世界衞生組織(乙型肝炎) 取自：
https://www.who.int/zh/news-room/fact-sheets/detail/hepatitis-b#
衞生署 旅遊健康服務(旅遊相關疾病-乙型肝炎) 取自：
https://www.travelhealth.gov.hk/tc_chi/travel_related_diseases/hepatitis_b.html
香港家庭計劃指導會(乙型肝炎) 取自：
https://www.famplan.org.hk/zh/health-info/pregnancy-and-fertility/hepatitis-b
衞生署 控制病毒性肝炎辦公室 (乙型肝炎口服抗病毒藥物治療單張) 取自：
https://www.hepatitis.gov.hk/tc_chi/resources/files/pamphlet-Oral-w3c.pdf
=====================================
🔷🔷🔷南區地區康健中心 SDHC🔷🔷🔷
✉️Instagram: southern_dhc
☎️查詢熱線：
🔵主中心 3575 7000
🟢附屬中心(南區東)指南@赤柱 3575 7033
🟣附屬中心(南區南)指南@利東 3575 7066
🔴附屬中心(南區西)指南@置富 3575 7055
🟠附屬中心(南區北)指南@香港仔 3575 7022
#南區地區康健中心 #SDHC #基層醫療 #地區康健中心 #南區 #南區好去處 #健康生活 #慢性疾病共同治理先導計劃 #慢病共治 #乙型肝炎
