最新消息 – 南區地區康健中心

【南區地區康健中心 | 🌟 美與健生活博覽 2026】SDHC 帶你邁向健康好生活！💪✨

去展覽除咗消費同扮靚，身體健康當然都唔可以忽視！今年南區地區康健中心將會進駐 #香港貿發局美與健生活博覽，一齊推動 #基層醫療共同治理網絡！想知道點樣可以「早預防、早發現、早治療」？了解更多高血壓、糖尿病嘅健康管理？我哋屆時會喺現場為新會員進行健康風險評估，仲有豐富禮物等緊你㗎！ ⏰香港貿發局美與健生活博覽開放時間 (為期5天)： 1️⃣ 2026年8月13-16日（星期四至日）- 上午 10 時至下午 10 時 2️⃣ 2026年8月17日（星期一）- 上午 10 時至下午 6 時 🔹地點：香港會議展覽中心 - 攤位編號：3E-B29 ✅ 多項健康服務等你參與： 1️⃣ 免費一站式身體成份分析 2️⃣ 免費會員登記 3️⃣ 免費健康風險評估 4️⃣ 免費登記加入慢病共治計劃 (三高篩查) 成功登記🎁，即送多款健康禮品*： 🎁 成功登記南區地區康健中心會員 #新會員，即場賞：#小風扇或 #摺疊雨傘或 #保溫杯 🎁 成功登記 #慢病共治計劃，即場賞： #手臂式血壓計或 #智能手錶 *數量有限，送完即止 Mark 定日子，嚟灣仔會展 Hall 3E-B29搵我哋了解多啲啦！👋😊

2026-08-12By southdhc健康資訊, 最新消息評論關閉更多

☀️【夏日健康指南】熱衰竭 VS 中暑點樣分？預防中暑記5招！

酷熱天氣警告生效，大家出街或戶外活動時有冇覺得頭昏腦脹？在高溫環境下，身體如果未能及時散熱，隨時會引致「熱衰竭」，嚴重者更會演變成致命的「中暑」！根據衛生署衛生防護中心指引，即刻教大家點樣分辨症狀與病效預防： ⚠️ 症狀比一比： 🔹 熱衰竭 (Heat Exhaustion) • 症狀：大汗淋漓、面色蒼白、頭暈嘔吐、肌肉抽筋、皮膚濕冷。 • 體溫：通常正常或輕微升高。 🚨 中暑 (Heatstroke) — 屬醫療緊急情況！ • 症狀：停止出汗（皮膚紅熱乾爽）、神智不清、言語不清、甚至抽搐或昏迷。 • 體溫：體溫極高（高於 40°C）。要預防中暑，就要記得以下5招🛡️： 1️⃣ 適時補充水分 💧，避免飲用含咖啡因及酒精類飲品 ☕❌ 2️⃣ 著淺色、寬鬆及通爽嘅衣物 👕，減少吸熱，方便排汗同散熱 3️⃣ 保持室內空氣流通🌀和適宜的溫度和濕度，如：開窗、開風扇或冷氣 4️⃣ 戶外活動安排喺朝早或者下晝較後時間進行 ⏰ 5️⃣ 避免進行劇烈運動或長時間活動（例如登山及長時間遠足）🚫 ⚠️ 嬰兒及小童、長者、孕婦、有長期病患（如心臟病或高血壓）的人士、戶外工作／體力勞動者和過胖人士皆較易中暑，請密切留意身體狀況❣️。若有頭暈、頭痛、噁心，甚至神志不清等狀況，請立即休息及立即尋求協助！資料來源： 1. 衞生署 - 衞生防護中心 (夏日炎炎慎防中暑) 取自： https://www.chp.gov.hk/tc/static/90064.html 2.香港特別行政區政府 - 新聞公佈 (天氣酷熱　衞生署提醒市民預防高溫引發的疾病) 取自： https://www.info.gov.hk/gia/general/202608/06/P2026080500811.htm

2026-08-11By southdhc健康資訊, 最新消息評論關閉更多

【南區地區康健中心｜7月28日世界肝炎日】廿分之一係咪你？乙肝早驗早治理！

每年的7月28日是「世界肝炎日」。世界衞生組織（WHO），呼籲大家打破隔閡、正視肝炎！而在香港，最值得我們關心的，就是非常普遍的「慢性乙型肝炎」。 📊 衞生署報告：你可能也是「隱形患者」？根據衞生署的調查報告顯示： ⚠️ 感染人數龐大：本港約有 58 萬人口感染乙型及丙型肝炎病毒。 ⚠️ 中年高危：調查發現 35 至 54 歲的中年人士，乙型肝炎感染率是最高的！ ⚠️ 忽視求醫：竟然有高達 70% 的乙肝患者沒有就醫，顯示香港有相當大比例的感染者，根本沒發現自己的感染狀態！ 🫁 肝臟是沉默的器官：遠離「肝炎三部曲」慢性乙肝可以長達數十年沒有任何明顯病徵。如果不及早發現和處理，病毒會在體內持續破壞肝細胞，最終演變成可怕的「肝炎 ➡️ 肝硬化 ➡️ 肝癌」三部曲！ 🛡️ 衞生防護中心教你：護肝自救三步曲！要打破肝炎威脅，保護自己和家人，街坊們一定要緊記這三字訣： 👨‍⚕️【問】 ── 主動同家庭醫生傾吓自己有冇乙肝風險 🩸【驗】 ── 進行抽血，清楚了解自己有冇感染乙肝 ❤️【治】 ── 確診者及早接受治療，大大降低肝硬化同肝癌風險 💡 「小南」貼心建議：日常護肝大行動！ 🔍 高風險人士盡早篩查：慢性乙肝患者的家庭成員（如父母、兄弟姊妹、子女）及性伴侶感染風險較高，應及早接受血液測試。 💉 補打疫苗：若抽血後發現體內沒有乙肝抗體、且未受感染，應盡快接種乙型肝炎疫苗，建立終身保護。 🩺 確診勿輕心、定期覆診：切勿因為「無痛無病徵」而掉以輕心，必須遵從醫生指示定期檢查（如肝功能、超聲波），需要時接受抗病毒藥物治療。想知道自己是不是高風險人士？想找家庭醫生幫忙配對、篩查和管理？立即聯絡南區地區康健中心登記「乙型肝炎共同治理計劃」！了解更多肝臟健康知識啦!! 資料來源： 1. 香港特別行政區政府衞生署 - 控制病毒性肝炎辦公室肝臟的功能取自： https://www.hepatitis.gov.hk/tc_chi/what_is_hepatitis/function_of_liver.html 1. 衞生防護中心取自： https://www.instagram.com/p/DMpZpyDTwrM/

2026-07-28By southdhc健康資訊, 最新消息評論關閉更多

🧠【南區地區康健中心｜7月22日世界腦健康日】關懷自身健康，要從「頭」開始。💡

各位南區街坊，平時提到血壓、血糖，大家可能最先想到保護心血管。但其實除左心血管，呢啲慢性疾病風險因素都同大腦健康息息相關！ ⚠️ 點解慢性疾病會影響大腦*？ 1. 中風與血管性認知障礙：缺血性中風主要成因是腦血管粥樣硬化（血管收窄），這與「三高」息息相關。 2. 腦退化風險：如果沒有好好控制血糖與血壓，長期下來增加大腦退化的風險。每年的7月22日是「世界腦健康日」。大腦是我們身體的「總指揮」，負責控制我們所有的認知、情緒和行為。如果大腦功能受損，日常生活將會大受影響！雖然部分造成腦退化（認知障礙症）的成因無法完全避免，但其實只要我們好好注意及改善生活習慣，絕對可以好好守護呢位「腦」朋友🧠！ 💡 【衞生署衞生防護中心】護腦貼士*： 1️⃣ 管三高📊 ：及早管理及控制慢性疾病，例如高血壓、糖尿病同埋心臟病，可以減低中風同血管性認知障礙症嘅風險。 2️⃣ 食得醒🥗：參考「健康飲食金字塔」進食各類型的食物，以吸收不同的營養素，供應大腦及身體所需。 3️⃣ 動起來🏃‍♂️：養成運動的習慣，多啲參與社交同益智活動，例如捉棋、打牌、學習新事物，保持大腦活躍。 4️⃣ 知多啲✍️：認知障礙症並唔係正常老化問題，如果留意到記性明顯衰退，而又影響到日常生活，就要盡快搵醫生檢查。 📞 想知更多？快啲過嚟南區地區康健中心，或者打電話比我地加入成為會員啦！防三高、守護腦健康，由今日日常小習慣開始！資料來源： 1. 醫院管理局(智友站) - 護腦貼士取自： https://shorturl.at/5yjWC 1. 衞生署衞生防護中心 Centre for Health Protection, DH - 【守護腦健康】取自： https://shorturl.at/2aWUz 1. 衛生署長者健康服務 - 認知障礙症取自： https://shorturl.at/527SJ

2026-07-22By southdhc健康資訊, 最新消息評論關閉更多

【南區地區康健中心｜🏆 世界盃總有完場，但你嘅健康聯賽先剛剛開始！】

即刻登記成為會員，預約你嘅免費健康評估或參加慢病共治計劃啦！👇 https://shorturl.at/nc6KY 世界盃即將圓滿落幕，但狂歡一個月之後，你嘅身體可能已經悄悄「透支」！熬夜加埋暴飲暴食，分分鐘令你不知不覺欠落一身「健康債」！🔴 要贏返呢場健康聯賽，街坊們一定要留意以下兩大危機： 🚨 危機一：熬夜帶來的「睡眠負債」（Sleep Debt）好多人以為「通完頂、遲啲補返覺」就得？衞生署同醫學研究話你知：睡眠係無得咁樣「儲」補回的！ 1️⃣ 變肥又傷心：經常每晚睡少過 6 小時，會增加肥胖、高血壓同二型糖尿病嘅風險，連記性同心情都會變差*！ 2️⃣ 愈夜愈想食：唔夠瞓會擾亂大腦荷爾蒙，令你身體誤以為「好餓」，結果隔日控制唔住，瘋狂想食高糖高油嘅垃圾食物！ 🚨 危機二：狂食薯片炸雞，落入「高鹽高糖陷阱」睇波一高興就汽水、薯片、炸雞停唔到口。 1️⃣ 超標極容易：世界衛生組織（WHO）建議，成年人每日食鹽量應該少於 1 平茶匙。睇波食一包大薯片、幾隻炸雞，鈉攝取量就已經分分鐘超標！ 2️⃣ 慢性疾病提早敲門：連續一個月咁食法，會加重血管同身體負擔，高血壓同糖尿病隨時提早搵上門！世界盃總有完場，但你個人嘅「健康聯賽」先剛剛開始！⚽ 【南區地區康健中心】就係你最強嘅「健康後防線」🛡️，唔好等身體亮紅燈先後悔！如果你年滿 45 歲或以上、無已知嘅糖尿病或高血壓，政府會資助你進行高血壓、糖尿病及血脂篩查(慢病共治計劃)。一旦確診，家庭醫生會為你制定健康方案，每年提供受資助嘅診症、基本藥物，康健中心亦會安排物理治療師、營養師等團隊支援，同你一齊穩守健康！即刻登記成為會員，預約你嘅免費健康評估或參加慢病共治計劃啦！👇 https://shorturl.at/nc6KY 資料來源： 1. 衞生署衞生防護中心 Centre for Health Protection, DH 取自： https://shorturl.at/NcRVx 2. 香港特別行政區政府食物安全中心 - 降低膳食中的鈉和糖取自： https://shorturl.at/Rv0y1 3. 香港特別行政區政府衞生署家庭健康服務 - 一覺好眠有辦法取自： https://shorturl.at/Eb9Mk

2026-07-16By southdhc健康資訊, 最新消息評論關閉更多

【南區地區康健中心｜⚽ 睇波總有「邪惡陷阱」？】食得聰明守住健康防線！🚫

每逢賽事開波，當然少不了同朋友一齊打氣、睇波、開零食派對 🥳🍿🍟 不過，如果「無限追加」薯片、炸雞同啤酒呢類食品，其實好容易令熱量、脂肪同鈉攝取不知不覺超標⚠️等同三高（高血壓、高血糖、高血脂）嘅「黃牌警告」⚠️！想睇得盡興，又想守住健康防線？即刻學識以下嘅「睇波至營攻略」💡，一齊打贏呢場健康保衛戰！首先，高油高鈉嘅炸雞🍗、薯片、重味零食作出更換！由換成較健康小食替補落場： - 焗薯片／焗番薯片 - 無添加鹽糖嘅原味果仁🥜 - 低脂爆谷🍿 - 新鮮水果或蔬菜小食如車厘茄、青瓜條等🍅🥒 咁樣既能保持爽脆口感，又能可以減少油脂同鈉質攝取！🚫🧂 飲品方面，可以改以清水、無糖茶或自製無糖梳打水加檸檬／青檸🍋代替，清爽之餘，負擔亦更少！睇波最怕「一邊睇、一邊食、完全停唔到」😅建議大家預先分好份量，慢慢食、慢慢飲，咁就唔怕一個半場就已經食咗超標。各位南區隊友，記住食得聰明，堅守陣「營」! 資料來源： 1. 香港特別行政區政府新聞公報 - 世界盃揭幕在即　衞生署「睇波攻略」取自： https://www.info.gov.hk/gia/general/202606/10/P2026061000216.htm

2026-07-08By southdhc健康資訊, 最新消息評論關閉更多

【南區地區康健中心｜3-5/7 @亞洲銀髮康護養生展】

📍 地點：香港會議展覽中心3樓｜攤位：F09 (Hall 3FG) ⏰ 開放時間： 1️⃣ 2026年7月3-4日（星期五至六）- 上午10時至下午6時 2️⃣ 2026年7月5日（星期日）- 上午10時至下午5時想為自己提早規劃精彩的退休生活🌅，或者想幫家中的四大長老把關健康嗎？👴👵 這個週末有一個不容錯過的實用好去處！📍 南區地區康健中心參加了今年的「亞洲銀髮康護養生展」✨。現場除了有最新的樂齡科技和護理資訊之外🔄，中心更帶來了一系列全免費的健康評估服務🩺！只要當場完成簡單登記📝，仲有豐富禮品送比你帶回家！🎁🎉 ✅ 多項健康服務等你參與： 1️⃣ 免費身體健康成份分析 2️⃣ 免費會員登記 3️⃣ 免費健康風險評估 4️⃣ 免費登記基層醫療共同治理網絡改：登記參加慢病共治計劃 (三高/乙型肝炎篩查及管理) 成功登記🎁，即送多款健康禮品*： 🎁 成為登記南區地區康健中心會員 #新會員，即場賞：#小風扇或 #縮骨遮或 #保溫杯 🎁 成功登記 #慢病共治，即場賞： #手臂式血壓計或 #掛熨機或智能手錶 *數量有限，送完即止記得約埋親友一齊嚟參加，健康、禮物同實用資訊一次過帶走！💖🎉

2026-07-03By southdhc健康資訊, 最新消息評論關閉更多

【👶🏻為迎接寶寶做好準備！夫婦孕前準備系列活動🤰🏻】

計劃緊組織新家庭，或者準備孕育下一代嘅健康BB？🥰 咁就唔好錯過南區地區康健中心為各位準爸爸、準媽媽精心準備嘅「夫婦孕前準備」系列活動喇！✨我哋邀請咗中醫師、註冊營養師、專業教練、註冊護士以及物理治療師，全方位由內到外為你哋解答孕前疑問，仲可以一齊體驗有益身心嘅運動添！🧘🏻‍♂️🧘🏻‍♀️ 💡 精選活動： 1️⃣ 夫婦準備之中醫優生之道 🌿 主講：中醫師日期： 2026年8月10日 (一) 時間： 19:30 - 21:00 2️⃣ 孕前期營養須知與運動體驗 - 普拉提 🥑🤸🏻‍♂️ 主講：註冊營養師及專業教練日期： 2026年8月13日 (四) 時間： 18:30 - 20:00 3️⃣ 孕前檢查小知識與運動體驗 - 瑜伽球 🩺🧘🏻‍♀️ 主講：註冊護士及物理治療師日期： 2026年8月23日 (日) 時間： 11:00 - 13:00 📌 活動詳情：對象：中心會員 (👥 夫妻優先) 地點：黃竹坑主中心 (實體進行) 📍 黃竹坑香葉道28號嘉尚匯21及22樓 (黃竹坑地鐵站B出口步行2分鐘) 費用：全免名額： 🚨 名額有限，先報先得 📞 報名方法：致電 3575 7000 或親臨本中心/附屬中心報名

2026-07-01By southdhc健康資訊, 最新消息評論關閉更多

🌸 【全新服務】告別尷尬！更舒適、更方便的「人類乳頭瘤病毒（HPV）自我採樣」服務現已推出 🌸

子宮頸癌位居香港女性中最常見的癌症第七位，但其實它是可以提早預防的！為什麼定期篩查如此重要？大部分子宮頸癌是由持續感染人類乳頭瘤病毒（HPV）引起的。這類感染通常沒有症狀，但持續感染高風險 HPV 會令子宮頸細胞發生病變。定期篩查能及早發現這些變化，防患於未然！我們明白，許多女士可能會因為怕痛或感到尷尬，而對定期的子宮頸篩查卻步。然而，現時預防子宮頸癌可以輕鬆、安心又充滿自主權！ ✨ 全新「HPV 自我採樣」—— 專為重視私隱與舒適的您而設 ✨ 為了鼓勵大家更輕鬆地守護健康，我們為女士們帶來新的篩查體驗： ✅ 高度私隱，告別尷尬：在中心特設的私隱房間內，由您親自進行簡單的採樣，過程完全由自己掌握，不再需要面對傳統檢查的尷尬。 ✅ 舒適無痛，簡單快捷：只需使用專用且安全的採樣棒，按照護士的清晰指引，短短幾分鐘即可輕鬆完成，大大減少不適感。 ✅ 方便又準確：醫學證明自我採樣與傳統由醫護人員採樣同樣能有效檢測高風險 HPV 病毒！ 📢 HPV 自我採樣服務活動 📅 採樣日： 2026年7月24日（星期五）上午10點至下午2點 📍 地點: 南區地區康健中心 — 主中心 (香港黃竹坑香葉道28號嘉尚匯21樓) 💰 服務收費: $330/次 👇 如何參加？請按下面連結登記 https://forms.cloud.microsoft/r/cWvEZNsedS 📞 查詢熱綫: 3575 7000 （名額有限，立即聯絡我們登記或查詢詳情！）保障自己，由定期篩查做起。💪 🔗 想了解最新的香港子宮頸癌統計資料，請瀏覽衞生防護中心網頁：https://www.chp.gov.hk/tc/healthtopics/content/25/56.html 🔗 想了解多一點關於HPV 自我採樣的資訊，請瀏覽樂妍站的網頁：https://www.wws.org.hk/page/hpv%20self-sampling

2026-06-30By southdhc健康資訊, 最新消息評論關閉更多

【南區地區康健中心 | 2026年7月至9月活動候補名單公佈】

【南區地區康健中心 | 2026年7月至9月活動候補名單公佈】 2026年7月至9月活動候補名單已經公佈，請瀏覽以下連結檢視候補名單 https://reurl.cc/Ga8mlA 候補名單以淺藍色底色表示。如須尋找名單資料，在進入連結後下載檔案，開啟檔案後輸入「Ctrl + F」、或在手機屏幕上按「搜尋」 (放大鏡圖示)。即可輸入首位個人會員號碼連符號 (例子:1111-2222)(請查閱會員證)、活動編號(例子:P01A)，或電話號碼首4位數字，查找相關資料。(如連結未能直接開啟，請複製連結到瀏覽器網址列，檢視候補名單。) 活動候補會員請於6月17日(三)、6月18日(四) 於主中心及各附屬中心開放時間內，以及6月20日(六) 上午10時至下午1時中心開放時間內，親臨辦理報名手續，逾期即代表放棄報名權。如有任何查詢，請致電3575 7000 與中心職員聯絡。號外「健康指南」手機應用程式現已上架，一APP在手了解最新健康資訊、中心消息、即時資訊，立即下載： iOS系統：https://tinyurl.com/5n6zcrus Android系統：https://tinyurl.com/y6buh6jh ===================================== 南區地區康健中心 SDHC Instagram: southern_dhc 查詢熱線：主中心 3575 7000 附屬中心(南區東)指南@赤柱 3575 7033 附屬中心(南區南)指南@利東 3575 7066 附屬中心(南區西)指南@置富 3575 7055 附屬中心(南區北)指南@香港仔 3575 7022 #南區地區康健中心 #SDHC #基層醫療 #地區康健中心 #南區 #南區好去處 #健康生活 #身心靈健康 #南區新地方 #點指健康咁簡單 #健康指南 #活動概覽 #7至9月候補名單公佈

2026-06-16By southdhc_user健康資訊, 最新消息評論關閉更多